泰媽媽雞飯 (創紀之城五期(apm))

Open Now

Now Closed

原本想食拉面既，但記錯左樓層，來到四樓見到依間新野，以為拉面執左。咁都好少食海南雞飯，既來之則安之。餐牌只有四樣野：一、海南雞飯 $65 二、燒雞飯 三、豬腳飯 $55    四、芒果糯米飯。二人叫左一個海南雞飯（加五蚊轉雞脾）及一個豬腳飯。溫和熱水請自斟。斟完已經有雞飯了，果然因為整定 所以咁快 當然一啲都唔熱油飯正常，有薑蓉同另外兩種醬料响枱面，有碟仔，自助取用；不過海南雞飯要配的黑醬油就欠奉。可能泰式海南雞就係咁呱。我就覺得爭啲囉。豬手飯 同雞飯一樣都係溫溫吞吞唔熱的。每個餐都跟菜，但係啲芥蘭係苦既。整條菜都整唔掂。最令人失望係，餐具係以紙袋包裝，仲要用即放棄膠匙。今時今日都仲冇環保意識，真令人失望。冇下次。希望各位看完都唔好中伏，除非你鐘意食唔熱的食物。