金門莊 (娥姐私房菜) (Closed)

迷人uncle同美人姐姐早於一年前o既暑假已約定肥肥家族及多位好友上週日食晚餐。晚宴並非慶祝性質，只係因為地點「金門莊」訂座最快都要等成年先有位 ，主人家唯有定下一年之約 。藏身於住宅大廈內o既「金門莊」佔用面積全層，並打通哂所有單位。門口雖然好似有三個咁多，但其實只有左邊嗰個先為正門，仲要按下門鐘先入得去。廚房屬客人禁地。用餐區域不設散座，只有兩間房，其中大嗰間可以擺兩圍，就算打通兩間頂多都只可以擺三圍，每晚只做一輪，故訂座極之緊張，閒日都要一年前訂 ，真係幾誇張。店內四周都掛滿字畫。玻璃架上亦可見佛像及壽星公像等名貴擺設。就連餐具及龍形餐墊都流露著中國色彩 。據悉，老闆娘娥姐身兼大廚，每日都會親自買餸，並烹調大小菜式，由起初只叫做「娥姐私房菜」，至今演變成「金門莊」，已將快為十年，期間更榮獲多個奬項。迷人uncle請客，菜單一早已交由美人姐姐與娥姐訂好，賓客只需飯來張口 。早到o既客人不但有得飲多兩杯，仲有新鮮熱辣、香脆鬆化o既懷舊「七彩蝦片」食添！ 蝦多士：蝦多士每件都炸得好夠金黃，蝦隻皮層鬆脆香口，蝦身爽厚彈牙，底層塊多士雖然感覺上油咗少少，不過亦在所難免，X