走杯 (希慎廣場) (Closed)

呢一排，呢一間台式飲品已經成為賣飛佛之一。佢響誠品裏面，有時行完書店，臨走前買返一杯，尤其呢一排凍冰冰，買一杯暖粒粒嘅熱飲，簡直賞心樂事。佢有一款欣澳蜜柑桔，絕對係值得推介。有一次飲完，我打開杯蓋睇吓裏面有啲乜嘢材料，我見到有新鮮柑桔，有青檸片，同埋應該都係鹹柑桔嘅物體。味道唔會太酸，酸酸甜甜，加埋蜜糖，絕對係冬天潤喉飲品之一。大少就叫咗一杯室溫嘅金鑽奶茶。裏面有芋圓，細細粒比較煙韌，亦都冇硬心。因為室溫關係，擺耐咗，都冇比冰沖淡味道。呢個冬天，如無意外，應該每一次去銅鑼灣，都會買一次獎勵自己心靈。