麻浦元祖 (Closed)

亞士厘道好多異國餐廳，今次去到一間韓燒。麻浦元祖在韓國也有店，初時以為特許經營買返黎俾香港人做，一入到去聽到韓語對話！原來老闆係韓國人，招呼緊一班韓國的客人。哈哈，初時覺得店鋪裝修相對簡單，以為賣點只是食平野，但依家覺得應該對食物有多少少期望先。點解我初時話平係賣點，因為真係算平！如果你只食45分鐘就$98就可以！可惜的是飲品沒有任飲。6小碟可以任添，推介醬煮黑豆。口質稍硬身的，味道甜甜，很特別。第一推薦牛舌，彈牙有油香～但要注意因爲好薄而容易烤焦。肉眼扒-又是薄片款，味道完全和另外幾款不同，濃郁的牛味而且肉質較實一點，不錯。特上王牛排骨肉-呢款我地encore 左幾次，醬汁滲入肉裡，肉質經過浸泡之後變鬆身d,好味，配生菜最好。1.5小時裡面，不斷見到有客人入場，當日仲要係平日。當中有本地人、韓國人、南亞人，個個都好似好熟遊戲規則咁，差不多時間就走了。