Home Bar & Restaurant

Open Now

Now Closed

餐廳燈光柔和，雖然是酒吧杯的裝潢，但整個環境亦很浪漫，岩晒同情人撐枱腳。頭盤點了份炸魚薯條。炸魚非常大份，諗住會係小食，但其實完全唔小呀！炸魚應該大過一隻手掌！而食炸魚最忌就是肉太硬太乾，但呢間真係做到肉嫩，講真我超級中意食炸魚，呢間真係一試難忘，絕對會為左炸魚再來的。而薯條是用上粗薯的，非常脆，而且鹽份也不算太多，沾有兩款醬汁，絕對正！點了咸牛脷做主食，咸牛脷真係有少少咸味，不過就真係好大份，賣相確實無乜吸引力，不過就好鮮嫩。自稱豆腐牙的朋友表示很易咀嚼呀！而且配搭埋黑松露薯蓉，非常香。餐廳亦有特別附上青芥末醬，可以令牛脷味道更出。如中意食牛的不能錯過。沒有澱粉質是生存不了，呢個係烤雞肉天使麵配芝士蛋黃醬。最特別是醬汁，因為好重蛋黃味而又好滑，加埋芝士就好濃味啦！二人來說非常足夠，絕對溫馨飽肚的一餐。