首爾石鍋燒 (Closed)

今日我去旺角shopping，順便醫肚。裝修:入到餐廳，環境好黑。檯都係黑色。食物:今次我叫左番茄雜菌烤肉豆腐鍋；香味就無咩：由於由石鍋上，佢存熱時間比較耐。鍋內有蕃茄、粟米粒、磨姑同粉絲。當時佢係好夠熱，烤肉唔係好覺有烤過。我期望嘅烤肉有少少金黃色，但呢個無。味道偏淡，無泡菜味。磨姑有少少草青味。蕃茄就keep 到蕃茄肉質，無浸爛。粉絲就無咩感覺。白飯就太乾身，米身比較長身：一定唔係珍珠米。份量等同喺屋企嘅飯碗一樣。飯就唔夠熱。湯湯飲落去唔太稀，偏向杰身。打蛋花係靚，但無咩味。飲品：熱檸水無苦味，有少少檸檬嘅瀝味。好飲嘅。