Video
Read full review
2023-03-03
26 views
同朋友都係尖沙咀收工，天氣又涼返梗係要打邊爐喇～打邊爐個湯底都好重要，之前食過佢地其他分店都好出色，今日就試埋呢間醉胡爐先☺️呢間分店都算大間，同埋唔會太暗，仲有啲廂房私隱度高啲，我地都提早左幾日book，雖然呢度唔近大馬路果邊，但去度都見到full哂~-一開始一樣有8款豉油配料～中意呢度啲豉油唔會太鹹，又可以提升到食物既鮮味👍🏻-胡椒豬肚花膠雞鍋 $328我地叫左胡椒豬肚花膠雞鍋，當然等佢滾左就飲返碗佢地既湯先，佢地既湯底都非常出色，冇令我失望過，連鹹酸菜都好好食，厚度脆度啱啱好，唔會咁快淋，凍凍地飲佢地既胡椒豬肚，一個字！正！暖哂🥰另一樣要讚既係佢地既雞同花膠係另外上，雞就岩岩熟既狀態，所以淥一淥就食得，又滑又重雞味，如果一齊上就可能會過熟了☺️☺️-日式和風蕃茄沙律 $58呢個作為前菜都唔錯佢啲汁酸酸地連埋薄薄嘅蕃茄一齊食好開胃😋-胡爐十二道牛盛盒 $688十二道牛包括有：腩肋條、池板、封門柳、牛頸脊、牛白肉、牛舌心、安格斯、飛驒和牛、坑抓、梅酒浸牛、邊抓、牛展全部都好新鮮，食得出有啲都好彈牙仲要好重牛味，佢哋油花分布平均唔會食落肥膩，大部份淥一淥就食得就算生生地都唔怕有款牛仲浸咗梅酒
呢間分店都算大間，同埋唔會太暗，仲有啲廂房私隱度高啲，我地都提早左幾日book，雖然呢度唔近大馬路果邊，但去度都見到full哂~
-
一開始一樣有8款豉油配料～中意呢度啲豉油唔會太鹹，又可以提升到食物既鮮味👍🏻
-
胡椒豬肚花膠雞鍋 $328
我地叫左胡椒豬肚花膠雞鍋，當然等佢滾左就飲返碗佢地既湯先，佢地既湯底都非常出色，冇令我失望過，連鹹酸菜都好好食，厚度脆度啱啱好，唔會咁快淋，凍凍地飲佢地既胡椒豬肚，一個字！正！暖哂🥰
另一樣要讚既係佢地既雞同花膠係另外上，雞就岩岩熟既狀態，所以淥一淥就食得，又滑又重雞味，如果一齊上就可能會過熟了☺️☺️
-
日式和風蕃茄沙律 $58
呢個作為前菜都唔錯
佢啲汁酸酸地
連埋薄薄嘅蕃茄一齊食
好開胃😋
-
胡爐十二道牛盛盒 $688
十二道牛包括有：
腩肋條、池板、封門柳、牛頸脊、牛白肉、牛舌心、安格斯、飛驒和牛、坑抓、梅酒浸牛、邊抓、牛展
全部都好新鮮，食得出有啲都好彈牙
仲要好重牛味，佢哋油花分布平均
唔會食落肥膩，大部份淥一淥就食得
就算生生地都唔怕
有款牛仲浸咗梅酒好香～
呢度嘅牛白肉都好好食，好爽脆
非常高質！
-
餃子拼盤🥟 $128
蝦餃🦐大大隻好鮮味
全部皮都滑又唔厚
韭菜餃都好多韭菜
黑松露餃店員特地同我地講淥分半鐘就ok👍🏻
同埋佢既味非常香濃超正😍
-
醉胡爐五寶丸 $128
丸類口感實淨得黎又彈牙
墨魚丸有款有芝士
好食不過小心太熱🤣
全部都值得試🥰🥰
-
蔬菜拼盤 $63
食到咁上下都要食啲菜
佢拼盤嘅菜都好新鮮
好多款～
-
菊花蜜🌼/札 $68
打邊爐當然要配菊花蜜清下熱😉
少甜香菊花味😍
Post
