Video
Read full review
2010-08-30
3 views
突然想食放題, 於是o向工作附近地點搵啖食, 之前都有留意過lee間放題, o向上環都知道有分店, 不過平時都唔見有等位o既情況出現~~~ 但都決定俾次機會...可惜...出事環境ok, 今次有卡位坐添, 不過其實都坐得有d辛苦, 因為位比較窄....不過既然o黎到當然最在意都係放題質素啦~同埋包邊類飲品, 話哂 $188一位wor飲品全部都係pepsi品牌o既汽水, 另外有2款飲品: 芒果橙味果汁、金桔蜜, 另外好似仲有一款beer係任點o既, 因為我地唔飲酒, 所以唔太sure, 但o個兩款飲品我地都覺得幾好味~~~好啦~ 講番食物先~一o黎先送個刺身拼盤, 不過其實你自己之後可以自己再order, 其實冇分別只係佢手快快俾左你食先咁解o者!!! 都算厚切, 都新鮮, 不過就冇帶子、甜蝦、海膽刺身, 如果你好想食就要另外再order!!! lee樣唔太開心, 因為以上幾款都係我最愛~串燒: 我地order左雞翼、牛柳串同雞軟骨, 最好味只係雞軟骨!!! 雞翼佢冇開邊去燒, 所以唔同平時o個種燒到個皮好脆同乾身d, lee度o既燒法同屋企煮雞翼係冇分別 完全唔係我想要o既~~~ 好啦
環境ok, 今次有卡位坐添, 不過其實都坐得有d辛苦, 因為位比較窄....
不過既然o黎到當然最在意都係放題質素啦~同埋包邊類飲品, 話哂 $188一位wor
飲品全部都係pepsi品牌o既汽水, 另外有2款飲品: 芒果橙味果汁、金桔蜜, 另外好似仲有一款beer係任點o既, 因為我地唔飲酒, 所以唔太sure, 但o個兩款飲品我地都覺得幾好味~~~
好啦~ 講番食物先~
一o黎先送個刺身拼盤, 不過其實你自己之後可以自己再order, 其實冇分別只係佢手快快俾左你食先咁解o者!!! 都算厚切, 都新鮮, 不過就冇帶子、甜蝦、海膽刺身, 如果你好想食就要另外再order!!! lee樣唔太開心, 因為以上幾款都係我最愛~
串燒: 我地order左雞翼、牛柳串同雞軟骨, 最好味只係雞軟骨!!! 雞翼佢冇開邊去燒, 所以唔同平時o個種燒到個皮好脆同乾身d, lee度o既燒法同屋企煮雞翼係冇分別 完全唔係我想要o既~~~ 好啦~講埋牛柳串先, 其實佢味道都唔錯, 不過成串只得2小舊牛, 佢夾埋車厘茄同蔥去燒, 唔鍾意食上述兩種蔬果o既男友表示好不滿, 所以亦令我原先想再order都卻步~~~
前菜: 八爪魚、中華沙律、蟹子沙律、枝豆都不過不失, 因為度度食都應該分別不大ma, 不過lee度o既蟹子沙律略嫌唔夠足料
火鍋: 完全令我氣結, 因為實在太求奇!!! 佢只得牛肉一款肉, 其他就只係得d蔬菜, 唉~~~ 而且個湯簡直同水冇乜大分別, 只係有色o既水, 所以一路打邊爐一路都好沮喪, 不過叫做有得十下十下開心下咋, 如果佢唔想俾人打邊爐就delete左lee個item轉為一d set定o既鍋物啦~ 但如果佢有心俾人打邊爐, 點解佢d配料可以咁頹呢? 唉~真係一肚氣~~~
飯、麵、粥類, 我地只係試左冷麵同鮑魚粥, 反而個粥有d驚奇, 因為之前o個d係驚嚇ma 個冷麵就唔係我想像中o個種, 完全冇咬口, 太lum
雜項: 仲有炸豆腐、多春魚天貴羅、卷物....當中最出色反而係炸豆腐同燒蠔, 前者 簡單o既食地物反而最討好, 外脆顏色金黃, 而且入面又滑又夠熱!!! 後者芝士燒蠔都落足芝士, 而且夠哂新鮮, 味道唔會好腥或者怪, 我地又re-order!!!
寫寫下都唔記得自己仲有order 左d咩其他野, 因為當日真係唔係食左好多, 畢竟冇乜野吸引到我地~~~ overall 我覺得冇啖好食+好貴, 而且menu有鵝肝多士, 入到去話已經唔再供應, 勁失望 ..........而且冇甜品冇雪糕, 只係最尾送o既一人一舊雪米滋, umm...........太吝嗇啦~~~
不過要讚番句係佢地service好好, lee度唔係寫紙order, 係同佢講o既, 無乜漏單清況, 而且佢地加茶好密, 飲完飲品又會主動問你仲需唔需要, 算幾體貼!!!
Post