貓之茶房 (Moved) New Location

話說有一日同朋友去呢間Cafe 係好期待可以睇貓貓既，結果當天被服務員搞到咩心情都無哂。服務態度差，飲品淡而無味。貓之茶房係要人提前book枱，咁個電話打咗好幾次都無人聽電話，Cafe 忙可以理解，所以之後用whatsapp 訂枱，訂好之後就提醒我下次要打電話預訂……咁我同朋友提早到，佢地話未有位住，之後會打電話通知有位，都無問題既，收到電話之後我地就趕過去，結果係要排隊等入去。話說當天天氣係三十幾度，係門口等既每個人都等到汗流滿身，每個排緊隊既人都係有收到電話。 終於等咗接近30分鐘左右，佢地開始放人入去啦，就係呢個時候後面就有剛來4人組衝咗入去話收到電話啱啱到，結果就即刻放咗嗰4人組入去。我地梗係同d服務員理論啦，門口外面成村人排緊隊，個個都熱住身得勁耐先入到去，但佢地係咁重覆解釋一句說話，「你地每個人都有留到位俾你地，唔會無位坐既。」個語氣差到一個點。但個問題根本唔係有無位坐，而係佢地接受俾人打尖，呢個係咩道理？當下咩心情都無哂，遲來先上岸。對企門口出面排隊既每一個人而言都係十分唔公平。 之後埋單，連企係門口嗰30分鐘都計鐘啊。真係好唔開心的一天……無咩事，我都唔想寫負評。