Video
Read full review
2019-04-21
4331 views
一直都有好多朋友推薦我去試的餐廳⋯⋯4月爸爸生日，諗緊食咩中菜的我，就忽然諗起呢間呢間位於觀塘工廈內的私房菜。Book位後，餐廳係個個星期confirm我們的餐單，今次揀左六人用的花膠扒羊肚菌餐。齊人後就叫餐廳起個湯。今次的湯係砂鍋大魚頭豆腐湯，用砂鍋煮的湯比一般的湯更可以保住營養及味道，加上鮮魚頭，味道極為鮮甜。屋企無了工人姐姐的關係，我們基本上都無咩煲湯，一飲到鮮甜又唔腥的魚湯，大家即刻再添多碗！鹵水拼盤就食得多，加了麻辣的鹵水拼盤就真係未試過。三合一的鹵水拼盤有牛肚、雞絲青瓜及豬。牛肚夠厚身，而且口感爽口；青瓜雞絲用了麻辣汁，比平用的麻醬汁更惹味；我唔食豬大腸，但細佬話整得好入味，仲不停咁啪入口。大肉蟹有2大隻，餐廳比我們揀合心水的煮法，除了有我Order的薑葱炒外，仲可以揀雞油花雕蒸/避風塘炒/胡椒炒/四川香辣炒，一定有款岩大家。我平時唔多食蟹，因為折得咁辛苦得個少少肉⋯ 不過今次呢兩隻蟹真係好厚肉！吮完個殼上的薑葱汁，再將蟹肉一齊食，鍾意惹味但唔食得辣的話，揀薑葱炒一定無錯！個餐可以揀蒜蓉粉絲蒸蟶子皇或者流沙黃金蝦，鍾意熱氣野的我們，當然揀左後者！一上菜已經嗅到邪惡的咸蛋香，
齊人後就叫餐廳起個湯。今次的湯係砂鍋大魚頭豆腐湯，用砂鍋煮的湯比一般的湯更可以保住營養及味道，加上鮮魚頭，味道極為鮮甜。屋企無了工人姐姐的關係，我們基本上都無咩煲湯，一飲到鮮甜又唔腥的魚湯，大家即刻再添多碗！
砂鍋大魚頭豆腐湯
61 views
1 likes
0 comments
鹵水拼盤就食得多，加了麻辣的鹵水拼盤就真係未試過。三合一的鹵水拼盤有牛肚、雞絲青瓜及豬。牛肚夠厚身，而且口感爽口；青瓜雞絲用了麻辣汁，比平用的麻醬汁更惹味；我唔食豬大腸，但細佬話整得好入味，仲不停咁啪入口。
麻辣鹵水拼盤
48 views
0 likes
0 comments
麻辣鹵水牛肚
52 views
0 likes
0 comments
大肉蟹有2大隻，餐廳比我們揀合心水的煮法，除了有我Order的薑葱炒外，仲可以揀雞油花雕蒸/避風塘炒/胡椒炒/四川香辣炒，一定有款岩大家。我平時唔多食蟹，因為折得咁辛苦得個少少肉⋯ 不過今次呢兩隻蟹真係好厚肉！吮完個殼上的薑葱汁，再將蟹肉一齊食，鍾意惹味但唔食得辣的話，揀薑葱炒一定無錯！
薑葱炒肉蟹
54 views
0 likes
0 comments
個餐可以揀蒜蓉粉絲蒸蟶子皇或者流沙黃金蝦，鍾意熱氣野的我們，當然揀左後者！一上菜已經嗅到邪惡的咸蛋香，餐廳好甜心地已經將個蝦頭的殼整走，所以我可以同時食舖滿咸香的蝦殼及鮮蝦肉。
流沙黃金蝦
54 views
0 likes
0 comments
媽咪聽到有花膠就好開心(笑) 今次用了花膠扒炆(我未食過的)羊肚菌。雖然叫羊肚菌，佢並唔係係羊肚內生的菌，只係外貌似羊肚的菇，呢款菇的營養價格超級高，而且味道香但無黑松露咁強，無論咩人都啱食。
花膠的膠感唔算太重，不過口感滑溜而且㸪煮得夠入味。加埋我稍為爽口的羊肚菌，口感都幾豐富。
花膠扒羊肚菌
47 views
0 likes
0 comments
由於老豆唔多好魚，所以特意叫餐廳準備較多肉又滑的龍躉腩。加上香口的薑葱，令到唔食魚的老豆，竟然話好食！
薑葱炆龍躉腩
39 views
0 likes
0 comments
我幾鍾意食士多啤梨骨，佢比咕嚕肉更帶點果香。而今次我食士多啤梨骨，so far係我食過最好食的一碟。主要係佢煮得入味之餘，個汁有淡淡新鮮的士多啤梨香，而唔係平時一般係酒樓食的糖漿味。個咁Fresh的汁加上嫩嫩的肉質，真心幾好食。
士多啤梨骨
37 views
0 likes
0 comments
本身食餸時，已經好想食飯⋯ 但不停忍住呢個飯意就係想留肚食蟹油銀芽炒麵！呢個用了蟹油炒的麵非常香口，但又唔會過份油膩。大大碟的份量，比食得飽飽的我們瞬間Clear！
蟹油銀芽炒麵
32 views
0 likes
0 comments
個六人餐會包埋甜品，而今日的是日甜品係芒果布甸。可能整餐都比我有高水準的感覺，所以令我對甜品有所期望。點知芒果布甸的芒果香不足，比我想像中有點遜色，不過整體黎講都OK的。
芒果布甸
28 views
0 likes
0 comments
呢個六人餐，每位三百幾，而且唔洗加一，食咁多海鮮都其實差不多。加上水準滿意，推介比想揾中餐的大家哦～
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
Post
