Video
Read full review
2019-03-07
102 views
前排托朋友整咗啲野，事後要請食飯，於是相約咗食呢間「我愛慢煮」，由於位置係上環同西營盤中間，個人建議係西營盤過去會容易更多。剛到門口係大大幅牆身畫，相當有性格同品味，岩哂鐘意自拍嘅朋友留個倩影。入內隨即搵個位就座，決定好柯打嘅食物後，需走到廚房前收銀處即時付款落單。我地少少地叫咗幾款小食同飲品，最先到嘅係柚子菠菜沙律同飲品，分別有熱情水果特飲同荔枝接骨木花特飲。每次預咗大飲大食，都會揀啲比較酸甜、清清地嘅飲品，個人覺得又解渴解溜，非常合適。接住到嘅係小食拼盤同咸蛋黃醬吉列蝦。小食拼盤內裡有幾款小食：雞翼、芝士條、炸魚、粟米、蕃薯薯條。選擇拼盤對第一次光臨嘅人泥講，其實係唔錯嘅選擇，一次過試勻幾款就知道邊種好食。整體我覺得七味一字雞翼味道唔錯，好食在於夠熱且肉嫩之餘，調味有啲似曾相識，少少辣，食好多隻都唔會厭。其次粟米本身夠甜多汁，另外加咗少少千島醬汁，食落別有一番風味。而其餘炸魚、薯條等等都係正常水準，即叫即整夠熱好食。至於吉列蝦一碟有六隻，吉列嘅技術穩定，炸蝦唔會老；外皮十分酥脆，味道帶少許咸蛋黃醬味，吉列蝦同咸蛋黃醬相當夾，不錯。之後到嘅係慢煮36小時紐西蘭牛面肉，齋賣相已經令人垂
入內隨即搵個位就座，決定好柯打嘅食物後，需走到廚房前收銀處即時付款落單。我地少少地叫咗幾款小食同飲品，最先到嘅係柚子菠菜沙律同飲品，分別有熱情水果特飲同荔枝接骨木花特飲。每次預咗大飲大食，都會揀啲比較酸甜、清清地嘅飲品，個人覺得又解渴解溜，非常合適。
接住到嘅係小食拼盤同咸蛋黃醬吉列蝦。小食拼盤內裡有幾款小食：雞翼、芝士條、炸魚、粟米、蕃薯薯條。選擇拼盤對第一次光臨嘅人泥講，其實係唔錯嘅選擇，一次過試勻幾款就知道邊種好食。整體我覺得七味一字雞翼味道唔錯，好食在於夠熱且肉嫩之餘，調味有啲似曾相識，少少辣，食好多隻都唔會厭。其次粟米本身夠甜多汁，另外加咗少少千島醬汁，食落別有一番風味。而其餘炸魚、薯條等等都係正常水準，即叫即整夠熱好食。至於吉列蝦一碟有六隻，吉列嘅技術穩定，炸蝦唔會老；外皮十分酥脆，味道帶少許咸蛋黃醬味，吉列蝦同咸蛋黃醬相當夾，不錯。
之後到嘅係慢煮36小時紐西蘭牛面肉，齋賣相已經令人垂涎三尺。曾經食過幾間唔同嘅慢煮西餐，第一次食牛面肉，意想唔到嘅口感，慢煮至非常軟身易嚼； 由於以牛面肉為材料，所以牛味十分濃郁，伴隨住淡淡紅酒味，真係幾正；另外值得一提，牛面肉相對無咁肥同油膩，啖啖肉，絕對推薦！相對地，焗卡邦尼意粉可能味道唔太夠同太乾身，因此比較遜色。下次會比較想試試呢到嘅披薩。
整體，我覺得「我愛慢煮」嘅食物價格算係中等價格，地理比較入如果再貴啲可能會令人卻步。至於味道同小食方面，其實選擇都幾多，而且特別係小食水準唔差，都幾適合悠閒幾個朋友坐低傾計食野。如果住得近都應該會常常幫襯，唔錯。
Post
