Al Forno Pizzeria (Moved) New Location

上次朋友帶我嚟呢間Al Forno食薄餅，覺得唔錯。今次行完PMQ睇完Kaws決定再食Al Forno，不過今次試吓其他菜式，Al Forno係PMQ再行上少少就到。從一排既掛畫到塗鴉牆睇得出餐廳充滿濃厚藝術氣息。另外，餐廳燈光較幽暗，幾適合二人晚餐。餐牌係pizza板造型。除左mocktail、cocktail外，餐廳仲有多款本土手工啤酒。呢支叫追求既手工啤酒酒精濃度比一般較高，屬於印度淡啤，呈淺啡色，入口順滑，水果香味若隱若現。女友叫左sunhine Island，杯既造型幾獨特，顏色亦非常配合cocktail既名。食物方面，首先有buffalo Wings，旁邊有西芹條，雞翼外皮既醬汁非常足夠，香辣度十足，食得非常過癮。之後意粉先上菜，就係烤雞菠菜闊條麵，醬汁係番茄醬。闊條麵軟硬程度非常理想烤雞冇咩味道，但入面嫩滑多汁，番茄醬唔會太酸啱啱好。我哋仲叫咗三文魚忌廉汁意大利飯配蒜蝦。每一啖意大利飯都伴隨着鮮甜嘅三文魚，蒜蝦煎到好乾身，醬汁非常creamy，令人停唔到口。播完「翻生侏羅館」既一刻，晚餐亦結束，今餐可謂非常寫意。