西環碼頭 (Closed)

今次係我第一次寫食評。其實唔係第一次想寫，每天遇到特別"差"嘅服務，都想上黎分享番。（我好懶 ）西環碼頭，你好彩 ！我而家得閒寫。今晚係中秋節，諗住喺屋企附近一家食返餐。幾日前屋企人以經book左枱。一行人，包括兩個老人家，去到遲左四分鐘左右。入去攞位。阿姐話：「張枱埋緊單，你等一等。」我：「哦，好。」跟住，出左門口外等。等左一陣，有三個外籍女人入去，係walk-in嘅，喺門口負責海鮮部嘅男人過黎招呼。海鮮男：「do u have reservation?」女食客：「no.」海鮮男：「just one minute, ok?」（明耍佢地）....一陣後，有5，6個大陸人入去阿姐：「你地遲左半個鐘喎，一有枱即刻比你地啦~」( )...一陣之後，叫左三個外籍女人入去...再一陣之後，大陸人都入埋去...沉默地觀察嘅我終於出聲：「點解我地未入得，無book都入左?」...阿姐：「你地遲左黎喎!」 WHAT?!!!!!你話人地埋緊單，就有位，等左三個字你同我講啲咁嘅嘢! 最後，我地決定唔幫襯!走! 近年好多餐廳酒樓嘅服務質素都明顯下降，唔知係自由行政策嘅原因，定係香港回歸祖國後被強國人同