蔡瀾越南粉 (Closed)

蔡瀾越南粉開業不久，日日大排長龍，經常出入中環的我，今日遇着非繁忙事段，罕見唔使排隊，無論如何點都要試試。鋪位裝修時尚西化，完全睇唔出主打是越南河粉，免費提供羅漢果茶，茶底清澈明浄，純天然甜味，好飲又窩心💕我會這樣形容： 特別牛肉、湯、河粉，特別牛肉有齊七種牛🐂嘅部份，包括生牛肉，金錢腱，牛腩，牛筋，貝殼牛肉丸，銅錢牛鞭花，牛柏葉，呢款特別牛肉🥩，啱晒我呢個樣樣都想食🥢嘅牛魔王。七種唔同牛🐂嘅部份，原汁原味，用牛骨湯炆煮，腍滑入味，肉香味濃，用料絕對新鮮上乘👍👍👍再說湯、河粉：第一啖清湯入口，感覺是帶點甜味，是牛骨鮮甜的味道，牛骨湯熬足整晚，鮮甜的湯頭真材實料，加埋洋蔥和其他配料，確實有其獨特之處，越南粉現場磨粉即做，係新鮮的保證。Chua Lam’s Pho除了牛肉部份可以自由配搭，別無他選，宗旨就係專心做好越南牛肉粉。很難想像為了精製一碗新鮮河粉，可以整台製粉機放在店內，絕對係高成本，相對中區其他食肆，性價比仍是相當高。