華嫂冰室 (棉登徑) (Moved) New Location

曾幾何時，每當經過華嫂冰室，都有一大堆人喺門外等位，今日早上經過，門口一個人都冇，終於可以舒舒服服入去食個早餐。雞翼豬扒番茄湯一丁$64（轉一丁加$3），雞翼同豬扒煎到金黃色好香，配合埋濃郁嘅蕃茄湯底，好味。豬扒菠蘿包$28，菠蘿包嘅酥皮脆得嚟有啲硬，個包亦都唔熱，好彩豬扒煎到好香，加埋芥辣醬令到個包好食好多。冰花奶茶跟餐$15單點$22，冰花奶茶跟傳統凍奶茶和冰鎮奶茶唔同，奶茶杯面加咗雪花冰，唔會咬到一粒粒碎冰，茶味濃郁，有奶香但不甜膩，推介。