Video
Read full review
2010-10-13
16 views
我真係未試過食完一餐之後會嬲到要上openrice寫衰佢我地2個人坐係近廚房的2人枱,一入去見個婆婆係度煎緊扒,幾個後生仔係度玩住咁整沙律&頭盤2個人點左2個海洋餐跟安格斯黑椒牛柳($138)先黎個海洋盤..一睇就知唔對路.所謂既玫瑰蝦姐係IKEA廿幾蚊一大盤既涷蝦,隻生蠔真係超級過份過樣瘦猛猛都算啦...食落口成朕盬水味(唔係海水味)咸到不得了.友人果隻仲話有D睲臭味.第一次食咁HEA既凱撒沙律少量生菜加少少芝士粉煙肉粒就拎上枱.我可以講個沙律真係完全冇味...佢地用既應該係最平既大陸Romain.加上少得可憐既既芝士粉&煙肉粒.真係食之冇味成餐最好味係呢個加$10既磨菇湯&餐包(一定係買番黎,睇住佢係袋拎出黎)貴價平價既牛扒小弟食唔少,真係未食過一塊咁差既居然有人會用黑椒粒當炸粉咁覆蓋哂成塊扒.真係成舊炭咁上枱.食落口真係好似食緊爆炸糖咁,成口黑椒碎係你口中爆發.你只會食到黑椒味而唔會覺得自己食緊牛扒.有D黑椒仲係差唔多原粒咁,咬落去係勁硬!!最後2杯涷檬茶真係不提也罷...苦到飲左一啖已經忍唔住嗌埋單黎終結可怕的一餐今早得知友人腸胃炎...原因好可能就係隻生蠔!!!真係勸餐廳果幾
我地2個人坐係近廚房的2人枱,一入去見個婆婆係度煎緊扒,幾個後生仔係度玩住咁整沙律&頭盤
2個人點左2個海洋餐跟安格斯黑椒牛柳($138)
先黎個海洋盤..一睇就知唔對路.所謂既玫瑰蝦姐係IKEA廿幾蚊一大盤既涷蝦,隻生蠔真係超級過份過樣瘦猛猛都算啦...食落口成朕盬水味(唔係海水味)咸到不得了.友人果隻仲話有D睲臭味.
第一次食咁HEA既凱撒沙律少量生菜加少少芝士粉煙肉粒就拎上枱.我可以講個沙律真係完全冇味...佢地用既應該係最平既大陸Romain.加上少得可憐既既芝士粉&煙肉粒.真係食之冇味
成餐最好味係呢個加$10既磨菇湯&餐包(一定係買番黎,睇住佢係袋拎出黎)
貴價平價既牛扒小弟食唔少,真係未食過一塊咁差既居然有人會用黑椒粒當炸粉咁覆蓋哂成塊扒.真係成舊炭咁上枱.食落口真係好似食緊爆炸糖咁,成口黑椒碎係你口中爆發.你只會食到黑椒味而唔會覺得自己食緊牛扒.有D黑椒仲係差唔多原粒咁,咬落去係勁硬!!
最後2杯涷檬茶真係不提也罷...苦到飲左一啖已經忍唔住嗌埋單黎終結可怕的一餐
今早得知友人腸胃炎...原因好可能就係隻生蠔!!!
真係勸餐廳果幾位年青人,我唔知你地係打工定係自己做老闆.唔識就唔好學人扮HIGH CLASS做法國菜啦.一D都唔專業,完全唔覺得你地係識食識煮的人.想做老闆咪賣下魚旦車仔面囉.無謂整D野出黎食死人啦!!!
Post
