日牛涮涮鍋專門店 (Closed)

冇幫襯都要寫，關門時間係 22:30 ，Last order 係 22:15，我今晚 21:15 去到，鋪內一個客人都冇，有個平時態度都好差嘅侍應，喺度抹緊地，我叫咗佢一聲問佢係咪要閂門，佢「鞋」咗一嘢話唔係，跟住同另一個侍應對望，兩個嘅眼神完全係極度唔 like 我入去幫襯，跟住我話「咁算喇，你想閂就由佢喇」佢兩個完全冇留我重喺度互望笑騎騎，跟住我去咗第二間食，食完 21:55 特意上去睇吓，門未閂但望入去一個人都冇，連自助食物盆都收晒，咁唔想做索性唔好開夜市喇，我真心恭喜你老闆請到你哋依班極品返嚟，祝你如願以償晚晚有得早收！