王牌冰室 (教育路) (Closed)

呢間開咗半年度的餐廳我哋都幫襯咗好多次早餐,志在就腳同埋方便。今日朝早屋企人想食外賣 ,便攞住之前排落嘅五蚊現金券落去自取。入去買外賣,俾個收銀喝住等陣先態度極差。一啲都唔似疫情之下想做生意嘅,算我體諒你。買咗一個早餐36蚊。40蚊現金連埋現金券畀佢嘅,佢就返四蚊,我以為自己睇錯價錢後出去一望,發現佢耍我。之後問返佢我畀咗現金券個喎,佢話你又唔早D出聲,我愕然你都收咗,冇一句唔好意思仲質客人。印象分跌到穀底。我唔清楚佢係事頭婆定係打份工,,總之佢噉樣就係唔得。我又唔需要當面同佢嘈。祇不過係一個公開嘅平臺中肯講出事實嘅全部。