榕基手撕雞專門店 (德民街)

Open Now

Now Closed

夜晚8點半打電話去落單，鋪頭就打嚟話無飯，只得撈麵，咁就算啦，照去自取。去到就望緊店員係到整緊，一個撈麵仔，d手撕雞就係d餸頭餸尾，係到調緊味，咁我就叫左兩個餸，d餸就全部都係唔值錢嘅下欄野，姐係雲耳啊，薯仔絲啊，酸菜依d咁，到底要幾x街嘅人先諗得出咁做生意？去叫車仔麵都唔L係全部只得下欄野掛？本身幫襯過一兩次，都知間野係唔捨得俾野人地食，d餸迷你到呢(我都唔係第一個講咖喇)。咁都算，諗住夜晚晚廢事左揀右揀，但已經想像到盒野，幾條撈麵，少少手撕雞，少少下欄配菜，然後要俾50幾蚊食唔飽，諗諗下如果咁都照殺，自己咪好L 無腦😆然後望下咁啱對面係燒賣皇后，人地撈麵配隻滷水雞脾都係32，更加覺得制唔過，叫佢取消單退錢。