Video
Read full review
2010-07-03
66 views
前排成日落雨，終於有日好天。於是老闆拉大隊，全公司出去諗住食餐好嘅，結果食到一肚氣。當日我哋約兩點半到餐廳，已經過咗食飯時間，人唔係太多；不過因為我哋有七個人，都要其他食客轉枱，我哋至可以一齊坐。初時感覺良好。但到落單叫嘢食就開始出現問題，要重覆三、四次至落啱單；問佢哋有無沙律叫，佢哋就攞碟沙律醬嚟。嘢食味道ok，一般茶餐廳水準。但食食吓其中一個同事碗公仔麵入面有粒釘書釘，佢已經放咗入口，好彩無食到落肚。我哋細細聲叫人過嚟，話佢哋知，佢哋就淨係話唔關佢哋事，係啲雜菜裡面有釘；跟住又話自已係樓面，唔關佢事，關廚房事；但係又無叫廚房出嚟；然後又話負責人唔喺度；跟住就再無理我哋。我哋唔係嚟呃飯食，只想要個交代，同一聲道歉。擾攘咗半個鐘，負責人終於出現；但都係講番差不多嘅說話。總之唔關佢哋事。結果無收碗公仔麵嘅錢，真係多謝晒！
當日我哋約兩點半到餐廳，已經過咗食飯時間，人唔係太多；不過因為我哋有七個人，都要其他食客轉枱，我哋至可以一齊坐。初時感覺良好。
但到落單叫嘢食就開始出現問題，要重覆三、四次至落啱單；問佢哋有無沙律叫，佢哋就攞碟沙律醬嚟。
嘢食味道ok，一般茶餐廳水準。
但食食吓其中一個同事碗公仔麵入面有粒釘書釘，佢已經放咗入口，好彩無食到落肚。
我哋細細聲叫人過嚟，話佢哋知，佢哋就淨係話唔關佢哋事，係啲雜菜裡面有釘；跟住又話自已係樓面，唔關佢事，關廚房事；但係又無叫廚房出嚟；然後又話負責人唔喺度；跟住就再無理我哋。
我哋唔係嚟呃飯食，只想要個交代，同一聲道歉。
擾攘咗半個鐘，負責人終於出現；但都係講番差不多嘅說話。總之唔關佢哋事。
結果無收碗公仔麵嘅錢，真係多謝晒！
Post