Video
Read full review
2010-12-08
182 views
: 食一次都嫌多今日同5個同事食飯, 想喺公司附近搵吓有咩食。.....喺鰂魚涌食晏通常都要搵位, 咁啱呢度有位咪坐低。喺叫嘢食時已經覺得個Waiter唔係好聽得明我哋講嘢, 仲話呢度無coffee , 個同事唯有改奶茶。3杯熱奶茶嚟到時候, 好似已經擺咗一個鐘頭, 一啲都唔熱, 仲要得半杯。問佢可唔可以換, 佢話啲茶沖晒就無, 要問吓有冇得換。但一直無人同我哋跟進, 每一次問佢, 佢又話要問吓, 跟住又無人理。後嚟(已經過咗起碼20分鐘)佢話無奶茶, 問改唔改其他飲品,我哋咪改熱檸茶同熱檸水, 仲叫佢順手跟埋未嚟嘅2個餐(記住, 已經過咗起碼20分鐘)。後嚟當我哋食晒所有嘢, 啲飲品一啲都無嚟到。我哋話要埋單走, 叫佢扣起飲品錢。佢話唔可以, 只可以送罐裝可樂。我哋拒絕, 佢就話飲品係送嘅, 無俾到你飲, 你都要俾番成個餐嘅錢。食物質素已經差到無嘢講, 仲要連便利店都可以供應嘅熱飲都話無, 咩餐廳嚟架?個老細仲話可以隨便寫衰佢, 佢話佢唔怕喎…估唔到我第一次寫食評, 就係為咗呢間不知所謂嘅食肆…
今日同5個同事食飯, 想喺公司附近搵吓有咩食。.....喺鰂魚涌食晏通常都要搵位, 咁啱呢度有位咪坐低。
喺叫嘢食時已經覺得個Waiter唔係好聽得明我哋講嘢, 仲話呢度無coffee , 個同事唯有改奶茶。3杯熱奶茶嚟到時候, 好似已經擺咗一個鐘頭, 一啲都唔熱, 仲要得半杯。問佢可唔可以換, 佢話啲茶沖晒就無, 要問吓有冇得換。但一直無人同我哋跟進, 每一次問佢, 佢又話要問吓, 跟住又無人理。後嚟(已經過咗起碼20分鐘)佢話無奶茶, 問改唔改其他飲品,我哋咪改熱檸茶同熱檸水, 仲叫佢順手跟埋未嚟嘅2個餐(記住, 已經過咗起碼20分鐘)。
後嚟當我哋食晒所有嘢, 啲飲品一啲都無嚟到。我哋話要埋單走, 叫佢扣起飲品錢。佢話唔可以, 只可以送罐裝可樂。我哋拒絕, 佢就話飲品係送嘅, 無俾到你飲, 你都要俾番成個餐嘅錢。
食物質素已經差到無嘢講, 仲要連便利店都可以供應嘅熱飲都話無, 咩餐廳嚟架?
個老細仲話可以隨便寫衰佢, 佢話佢唔怕喎…
估唔到我第一次寫食評, 就係為咗呢間不知所謂嘅食肆…
Post