顯徑揚揚 (Closed)

首先講落order，兩條友喺度打機打到叫唔該都唔應，到底係咩事？好喇order完話叫我返埋位坐陣先，因為要啲時間，咁我等啦好喇，等咗10分鐘，去counter，佢話整緊15分鐘，佢又話整緊，但兜嘢已經出晒煙無人理，好，我就睇你整啲咩出嚟到20分鐘，我終於見到有人埋爐頭，但佢第一件事係倒咗兜餃（我相信佢應該無睇火唔知時間整燶晒，因為呢20分鐘入面，包括坐喺爐邊包餃嘅姐姐都係完全無理過啲嘢食）。而事後佢即刻再煎過，而過程只係幾分鐘，到上盤嗰吓，唔知佢發脾氣定咩，一嘢撻落個盤度，連個兜都彈一彈起。好，終於有得食，一咬，無味嘅？（我叫嘅係白菜水晶餃咁上下嘅嘢）仲要唔熱，只係啱啱好熟。咁呢個情況當然要拎豉油同醋，但返到位點一點，點解一樣都係酸嘅？到呢一刻，我都唔知講咩好不知所謂。