Video
Read full review
2015-04-13
1940 views
如果有人大肆讚美, 又話好食又話肉質好, 又話新派乜乜乜, 除左相信佢係槍手之外, 別無其他。因為此食店應該係我食過最難食兼掠水的韓食店, 食物與MENU完全不相符。我們三人, 點左炸蝦飯壽司(唔記得全名), 泡菜烏賊年糕及煎蔥餅。炸蝦飯壽司, 正常, 蝦明顯係無味的雪藏蝦, 但算數, 已係當中最好。泡菜烏賊年糕, 可以用非常難食來形容。烏賊只有菜譜介紹相片的三分一SIZE, 基本上可以話係觸犯商品說明條例, 泡菜汁浸住飯及年糕, 濕林林, 年糕硬, 飯又糊仔咁, 烏賊只係白焯過放喺個鐵板度, 扮燒。煎蔥餅, 佢上枱時, 我一時三刻唔知佢拎乜來, 無法想像佢係同我叫的東西係同一樣嘢，因為基本上, 呢個所謂煎蒽餅, 只係比麵包舖的PIZZA包大少少, 但係十倍價錢及勁難食, 葱都唔多條。本來仲叫左一個炸雞籃, 但係一來漏單, 二來open kitchen入面的員工, 將食物丟來丟去咁玩, 然後好明顯及100%相信, 會用來煮返比啲客食。所以, 我地最終連炸雞籃都CUT埋, 無比機會佢進一步掠水。埋單加埋一罐超市賣五蚊, 但佢賣35蚊(及加一)的韓國啤酒, 一共330元。三個人夾份食一個P
我們三人, 點左炸蝦飯壽司(唔記得全名), 泡菜烏賊年糕及煎蔥餅。
炸蝦飯壽司, 正常, 蝦明顯係無味的雪藏蝦, 但算數, 已係當中最好。
泡菜烏賊年糕, 可以用非常難食來形容。烏賊只有菜譜介紹相片的三分一SIZE, 基本上可以話係觸犯商品說明條例, 泡菜汁浸住飯及年糕, 濕林林, 年糕硬, 飯又糊仔咁, 烏賊只係白焯過放喺個鐵板度, 扮燒。
煎蔥餅, 佢上枱時, 我一時三刻唔知佢拎乜來, 無法想像佢係同我叫的東西係同一樣嘢，因為基本上, 呢個所謂煎蒽餅, 只係比麵包舖的PIZZA包大少少, 但係十倍價錢及勁難食, 葱都唔多條。
本來仲叫左一個炸雞籃, 但係一來漏單, 二來open kitchen入面的員工, 將食物丟來丟去咁玩, 然後好明顯及100%相信, 會用來煮返比啲客食。所以, 我地最終連炸雞籃都CUT埋, 無比機會佢進一步掠水。
埋單加埋一罐超市賣五蚊, 但佢賣35蚊(及加一)的韓國啤酒, 一共330元。
三個人夾份食一個PIZZA包, 兩粒蝦飯同一兜又濕又樣衰的細烏賊年糕, 每人都過百, 食左等於無食, 仲要去追加多餐先飽, 除左掠水之外, 我諗唔到其他comment。
Post