一起‧金饍 (Closed)

今日心血來潮突然好想食韓燒，見到荃灣廣場有呢間一起．金饍，所以就捉咗老公一齊去食，我地預先BOOK左位， 7點去到唔太多人，餐廳都幾大，環境都幾寬敞，一去到店員會問我地燒唔燒烤，燒烤同唔燒烤係會被分配到唔同既檯，我地選擇左燒烤。由於我地得2個人，食量唔多，而我地想食西冷，又想食牛舌，又咁岩有個SET有齊呢兩樣野，於是就地叫左個SET，個SET 4百幾蚊有西冷+牛肋骨+牛舌，岩哂我地。西冷好厚，仲擔心會好難燒，原來都唔會，而且肉質好林，好正，而牛肋骨就好香牛味，好新鮮，牛舌就好爽脆，2個人食真係剛剛好，如果鍾意食泡菜既呢度就岩哂，呢度D泡菜超好食，而且仲可以不斷REFILL，我地都食左4-5碟。

位於荃灣廣場呢間嘅韓燒，我都唔止第一次黎，其實我覺得唔錯，但就唔明點解咁少人幫襯!!今晚同男友兩人又黎食飯，第一次叫呢個泡菜餃子，咬落去好有空氣感，泡菜味味會太辣，脆卜卜皮，唔錯唔錯!!第2樣叫了個泡菜豆腐豬肉湯，第2次叫了。上次試過食完番尋味，男友就覺得辣，我就覺得啱啱好!!豆腐超滑，湯入面又多菜，如果唔係叫了煎餅，真係想叫碗白飯送湯呀海鮮煎餅，因為叫了好多泡菜，所以呢個點了海鮮味，入口脆邊，海鮮份量都算合格黎韓燒更要燒燒佢，點了羊鞍同厚豬腩，店員推介牛肋骨，但唔食牛所以無點。厚豬腩夠厚切，其實佢嘅豬頸肉都好好味架。至於羊鞍一碟3件，唔記得影相呀！調味唔濃，有少許羊味，我喜歡呀最後順帶一題，呢度嘅泡菜每次都有三款。聽店員講是自家制，唔係交貨黎，因為我真係超愛佢地整嘅泡菜呀！仲帶包肉嘅生菜同樣新鮮無輪泡菜同生菜都係任食架!!!但大家當然唔好浪費喇，食得哂先好叫呀！仲有仲有。星期一至四晚市好似有6折!!仲抵食。今晚唔使四百蚊埋單!!

由於同友人諗唔到食咩好，於是友人就提議不如到荃灣廣場啦。本來我地係打算食泰國嘢，但後來經過一起.金饍，友人看完餐牌就話呢間都可以👀個芝士辣豬肉炒飯👍，辣度係可以接受，可能因為我地都食得辣😂而醬汁豬頸肉亦都醃得入味，燒完就更加好味😋我地亦都叫左飲品，芒果沙冰，好重嘅芒果味，下次都會再叫😳

鐡板豬肉真係咸到一個點，差勁👎🏻烏冬淡味，差勁x2😡配菜亦馬馬虎虎旁邊似蕃薯的物體，心入面凍的，求其得過份😓唔怪得次次經過都冷冷清清，無人排隊，原來有原因😰

從來都不太偏好韓式料理，好不經意地經過然後入咗嚟，抱著試下新嘢嘅心態入嚟試下。晚飯時間都唔使排隊等位，而且質素都有番咁上下，未食過都值得一試嘅！唔知食咩好？可以學我哋點呢個呀豬媽餐，又或者韓式燒烤餐亦得！芝士拼盤（炸蝦、薯蓉波波、雞翼）～炸物連同雞翼都浸咗係融化咗嘅芝士中，實在係一碟好飽肚又令人滿足嘅頭盤。食呢個拼盤當然唔少得芝士拉絲環節，真係你鍾意點拉都得，來到半個人咁高都得！牛肉泡菜部隊鍋～大大鍋嘅部隊鍋，材料應有盡有，包括年糕呀、粉絲呀、大量泡菜呀、滑豆腐呀等等，但可惜欠缺咗我至愛嘅午餐肉同埋芝士。補充返，雖然有大量泡菜，但係唔使擔心佢會好辣，反而係比我預期嘅味道較淡。韓式泡菜炒飯～炒飯放在鐵板上，底部有蛋漿連同少許芝士，用鐵匙攪拌起來味道真的很香噴噴，甚至比部隊鍋聞起來更吸引。豬肉炒粉絲～呢個係餐廳職員特別介紹，唔辣嘅首選！這道菜算係比較失色，粉絲都濕濕嘅黏在一起，豬肉份量也不多。上面咁多嘢食咁豐富，我哋兩個人最終就梗係食唔晒啦！所以我嘅建議係下次搵好一大班朋友先好叫 set menu，否則散點就好，千祈唔好做大晒鬼！

末食完就收嘢，問都不問，差，唔會再去！食物是可以，以前也襯過都不是這麼差，現在真是不得了！ 服務真是不得了，叫完食物問都不問收起晒啲餐牌，我叫的食物遇末食完就連餐具都收起！我從末試過這樣的服務！不得了

星一至四信用卡埋單半價好抵食，牛肋骨好好味🤤 服務態度唔錯，side dish可以refill. 無油煙環境食得舒服冷氣夠曬涼👍🏻 一句講曬: 性價比高的餐廳! 可一試

之前團購左個2人餐，都幾抵，主角係每人一隻虎蝦，仲有韓風牛肉、雞腿肉，五花腩等等！ 肉類的份量都很多，即使3個人食都足夠！ 而且仲有一個烏冬！ 加分位是小食和生菜可以任添加！ 但飲品卻只有一杯，食太多肉，唔夠飲！不過團購價錢都ok, 正價食就唔抵了！

服務真好一般，係冇咩服務！ 原來平時做半價先有人試！冇人食，中伏啦！😱😱😱辣醬好鹹，韓焼D配菜好少，應該得呢間！試完係好失望，過對邊食元氣😡😡😡下次吾好試新嘢！

諗住食個午餐，點知入面有吉台都叫個客人搭台。客人唔想，就唔好老脾話咁攞張飛等下wor! 唔食囉咩態度！等唔係問題，態度可以好少少，你爆滿就話要搭台，你4，5張吉台都要搭台咩事先！

派位又亂…自己派左兩位去六人枱，又想勉強後面三人搭落去…一係你係門口開宗名義問下五位搭唔搭枱啦～人地坐低，菜單又係掟落張枱，份菜單又唔齊…係客人背後行過，又係咁踢到人張櫈咁嘅服務…認真怕怕！

其實我好鐘意佢地D牛牛和豬豬肉味天然，唔似某些韓燒，D醃肉味好似港式燒烤咁。😋 新鮮會郁鮑魚最過癮，但太貴，成百幾蚊先得兩隻，還不是次次新鮮會郁，我街市買$40有六隻了！真係有點滴汗，所以唔怕貴夾唔飽都值得試。😈 另一個好的地方是紫菜飯和配菜，叫幾碗飯，一定吃得飽，配菜好香，但有限量，能不限就好了！😁 但有次偶然開左佢他個水壼蓋，竟驚覺裡面的存在不少汚漬，請他們換過另一水樽，換完都是這樣。離開時同經理講，希望他們有改善。 之後幾個月冇去，忍不住韓燒魅力，當做俾個機會佢地，再去多次，奈何結果一樣，完全冇改善。有想過唔飲他們的水，但韓燒就是要大量飲水，咁又唔多實際，咁你話仲去好定唔去好？

第一次黎呢度食，午餐$50（烤豬肉炒飯），$15追加小食（餃子），送飲品（檸檬茶）首先講講個飯，賣相一般，整體黎講個飯冇乜味，冇肉香味，冇喊味，冇甜味餃子反而有驚喜，雖然唔夠熱， 但餃子好惹味，泡菜碎茄肉碎包响餃子裡面，又夠辣， 下次可以再encore

今日晚餐突然想食吓韓燒，咁岩經過見到原來星期一至四都做梗半價😧咁就入去試試喇！地方都幾闊落下我哋3個人叫咗7樣主食加1款甜品。先嚟香蔥牛舌，味道可以不過有啲un燒雞翼，味道普通不過燒耐少少可以皮脆肉嫩未經腌製，普普通通可以唔叫嘅！大蝦真係最抵食燒完都好正！因爲唔太夠飽叫咗個腌製嘅牛肋骨比未經腌製嘅好食最後嚟個清新水冷麵(牛肉湯)味道有驚喜，佢有啲水果喺面，加埋少少醋總括嚟講都可以喺半價時候一試嘅

Happy Friday, 今日又到荃灣揾食！午餐套餐平均唔超過$70, 已經包主菜同㗎啡/茶。選擇不少，最終選定豬軟骨煲連白飯 （$55）。 上菜速度快，不消15分鐘已經有嘢食。份量不少，豬軟骨炆得入味，味道濃而不鹹，肉汁用來佐飯一流。我地亦加咗個泡菜餃子（$15), 餡料十足，煎得熱辣辣而外皮有少少脆，好味。如果近糧尾，又想食好DD，此餐廳為不錯之選