霸嗎拉麵 (Closed)

以往都經常去尖沙咀霸嗎食拉麵，冇諗到今次去將軍澳霸嗎，竟然遇到咁過份嘅事！昨晚約7點，打算同男友去將軍澳霸嗎拉麵食晚餐。我先行一步，去拎位。去到門口，部籌號機顯示住“無需等候，歡迎內進”。於是我企門口等咗一陣，都直接入內（我入內前，都見到啲人直入店鋪內，冇等），我後面排咗一個男士都直接入內（我唔認識佢）。點知，你地將軍澳店霸嗎有個年約廿歲男侍應戴黑框眼鏡嘅，直接將我同嗰個男顧客，趕出門外，話：“你地要撳飛先！撳完先可以排隊入嚟！！”我聞言，同個男侍應理論：“係你地部機話無需等候，歡迎入內，你宜家同我講要撳飛等？（仲趕我出門口？！）”個男顧客都出聲：“撳咩呀撳？你部機都唔俾我撳飛？點撳呀？！”個男侍應未有理會，仍然趕我地出門口。個男顧客唔理佢，一枝箭標入店鋪搵位，最終有個女侍應帶佢搵位。而我呢？我同個男侍應理論：“我本來見到有卡位架！因為你咁搞一搞，宜家我個位俾人霸咗！咁點？”男侍應竟然答我：“咁你坐bar枱囉，有位。”我話：“宜家坐卡位嗰個男顧客係排我後面架！我嚟先架！你同我講叫我坐bar位？！”事後個男侍應立即龜縮，縮入店鋪內，唔再面對我，連一句道歉都冇！！！！谷到我同男友一肚氣！大