Deli-O (Closed)

幾個月前食過同一餐廳同一食物，今次質素差左好多。唔好話咁耐之前，今次同媽咪點左同樣係喇沙，竟然個湯底都差左好遠。我點既係海鮮蔘蔘，媽咪既係炸蝦蔘蔘。海鮮蔘蔘既優點係料好豐富，有青口、魚片、蝦、豆卜、魚同草菇，雖然唔可以話啲海鮮好新鮮，但呢啲價位，青口同蝦都唔會話得一隻，味道都算係咁。麵係有2種，油麵同米粉。我鍾意食油麵多啲，但今次碗麵竟然幾乎得一啖油麵，其他全部都係米粉。上次食比例都仲係一比一。我媽話一定係因為油麵貴啲。見到全部都係米粉已經有啲不滿，仲要個湯底都出事。媽咪個湯底好明顥係紅啲，我既湯底就得奶白色。好明顯我係得椰奶，已經唔似一個喇沙既湯底，味道好單一。相信下次再黎都唔會再點喇沙啦。