池記

Open Now

Now Closed

大排檔內嘅粥品店 大排檔總係令人對啲傳統食店抱有興趣，平日早餐時間見有唔少食客幫襯。 於是今日就嚟試下，坐低咗之後，Menu上嘅粥品選擇多，而且好平。揀好咗食咩，店員就好快咁同我落單并且收埋錢。除咗粥，我仲點咗個牛脷酥。 之後食物好快就送到。皮蛋瘦肉粥最失望係個皮蛋瘦肉粥，粥底平平無奇，唔綿，而且愈食愈稀，是粥品店敗筆嘅地方。鹹瘦肉份量唔多，有醃過，但鹹瘦肉食落有怪味加上皮蛋又冇乜味，真係影響食慾。牛脷酥唔係啱啱炸起，外皮唔脆而且仲有啲硬，不論口感同味道，都係我食過好一般嘅牛脷酥。老實講，第一次食到咁差嘅皮蛋瘦肉粥，真係好失望，可能真係唔食粥試其它出品會好啲。喱度嘅出品真係好抵食但絕對唔係好食或者值得去食。