Video
Read full review
2019-12-16
313 views
水門呢排咁紅，梗係要去幫襯下啦！水門開喺深水埗西九龍中心嘅food court 。咁開得喺food Court ，環境就一定唔會特別好㗎啦，不過勝在多座位，都唔使點樣等位。水門鋪頭細細，但係真係好多人幫襯。我大約兩三點去幫襯，order完個海南雞飯都要等十張票左右。見到水門做好多外賣嘅生意，個個都係兩三盒兩三盒咁order 。佢地出餐都算快，但品質又唔會因此下降。D 雞好滑，但又唔會好油膩，食唔到雪味。個辣醬係合理辣度，酸酸地，應該唔係食開辣既人都會接受到。唯一要講，係飯真係少d ，以午餐黎講份量有少少唔夠。佢跟餐仲有一個例湯，開頭仲以為會好似一般茶記咁既味精水，飲落出奇清，唔會太減，用來清一清口腔既辣醬味一流。以四十蚊都唔洗既價錢，都真係超水準抵食。最緊要 仲見到老細添🤤🤤🤤
水門開喺深水埗西九龍中心嘅food court 。咁開得喺food Court ，環境就一定唔會特別好㗎啦，不過勝在多座位，都唔使點樣等位。
水門鋪頭細細，但係真係好多人幫襯。我大約兩三點去幫襯，order完個海南雞飯都要等十張票左右。
見到水門做好多外賣嘅生意，個個都係兩三盒兩三盒咁order 。佢地出餐都算快，但品質又唔會因此下降。D 雞好滑，但又唔會好油膩，食唔到雪味。個辣醬係合理辣度，酸酸地，應該唔係食開辣既人都會接受到。唯一要講，係飯真係少d ，以午餐黎講份量有少少唔夠。
佢跟餐仲有一個例湯，開頭仲以為會好似一般茶記咁既味精水，飲落出奇清，唔會太減，用來清一清口腔既辣醬味一流。
以四十蚊都唔洗既價錢，都真係超水準抵食。
最緊要 仲見到老細添🤤🤤🤤
海南雞飯
$35
57 views
0 likes
0 comments
Post
