十二味不只是烤魚 (Closed)

十二味不只是烤魚門面好似老老土土，不過裡面裝修都幾靚，座位寬闊，如果兩個人坐卡位更加正，一入店子就聞到強烈嘅四川麻辣味，口水都流埋。呢間店嘅侍應服務都算殷勤有禮，雖然店子叫做不只是烤魚，但見到枱枱都烤，我都唔執輸都整番條清江魚。店子仲有招牌香鍋，用不同嘅材料炒埋一鍋，麻辣味又香又刺激，唔可以唔試，可惜食完條魚實在太飽，唯有下次再試過😋😋。店子都算幾好生意，如果七點半後嚟可能要等位，早啲嚟有著數。