小神燈新派飯館 (Closed)

呢間嘢真係好唔掂，食過佐敦嗰間總店，將軍澳咁近咁方便開一間就去試吓，始終有總店嘅名氣。但實在令人太失望，叫咗一個蔥蒜水晶雞，水煮蜆，豉汁陳皮蒸鱔，啫啫芥蘭煲，白灼牛三寶，哈哈哈哈哈大笑炒飯，兩個楊枝甘露，一個草莓布甸及一個椰汁椰果爆珠仙草，就已經$1000。喺調景嶺屋村商場食個飯要收呢個錢，好有期望，但係食物質素超出預期差。 食物賣相唔吸引，送到枱唔夠熱，味道一般。唔知喺香港經濟差做唔起夜市，定係食肆都唔想做夜市，啲嘢未食完就問要唔要想收碟，啲嘢未嚟齊就問使唔使買咗單先， 9:30走冇晒人。個場設計好有懷舊風情又如何，食唔到人情味，食唔到懷舊嘅味道，仲要咁貴，想點？咁樣做落去做壞總店個名。