天鳥居酒屋

Open Now

Now Closed

今日母親節，又來天鳥食下野，上次食，已經覺得唔錯，今次再來，觀感更佳！上次開業冇耐我就去食，服務仲差少少，但今次去到，就見到佢地大大改善好多，服務態度好，動作快手，一叫就會黎幫手落單，成個用餐體驗都好好！真係值得我再寫一次食評！今次一坐低就俾左兩個口罩袋我地，個設計好有心，我都希望惡毒快啲退散！！星期日又母親節，都係有午餐餐單，講真，係幾抵食架！午餐都仲係附上沙律、麵豉湯、茶碗蒸同埋甜品一份。又要再賺多一次佢個茶碗蒸，熱辣辣，而且真係好滑好香，完全冇腥味，我真係比一百分💯今次個甜品就係朱古力嘅糯米糍，細細粒唔會好飽其實都OK！今次叫咗一份炙燒三文魚拉麵。哇個三文魚，非常香、非常滑，每啖都喺口慢慢融化，超好食呀。湯底係魚介湯，香濃幼滑！唔之後仲嗌左個拼盤，三文魚腩、縞鰺魚、真鰺魚、大甜蝦，全部都好鮮甜，尤其縞鰺又甜又爽，三文魚腩油脂十足！另外仲有吞拿魚藜麥卷，都幾得意，卷內有菜，口感爽鮮，熟吞拿魚咸香，兩者出奇地夾！