心夜來潮 (Closed)

食潮州菜，自然要打冷同蠔餅，所以每次都會去試下o唔ok，今次終於試到一間比較出色的。首先講下地點，旺角南記上面，絕對係方便，唔會搵唔到。之後講返d服務，好多鋪頭成日都會漏單或唔夠材料唔會通知，但佢會交代無咩菜，之後介紹同類或接近的菜， 值得一讚。滷水鵝片：鵝肉入口鬆化，滷水汁好入味，鵝味香濃，油香豐富，食到忍唔住要多食幾片。傳統鴨蛋煎蠔餅： 正宗嘅蠔餅係要用鴨蛋來做，因為蛋味比雞蛋香， 蠔餅會更加結實，但出面好多鋪都用雞蛋整，想唔到今次會食到鴨蛋的蠔餅。香辣魚仔炒花甲：花甲每一隻都大大隻，入口無沙，炒得好香，真係好食。下次如果要再食潮州野，一定會選擇佢。