廿一前 (Closed)

位於荃灣商業大廈，樓上仲有好多間放題類別餐廳，等笠要啲時間、好似佐敦嘅倫敦廣場。從網絡上見到啲相真心有啲期望，不過一出笠就feel到少少伏，訂咗2pm入場最後都要再等多二十分鐘。入口位置放甜品、一般火鍋料、沙律前菜、飲品等等⋯⋯相比坊間嘅日/台式火鍋放題，選擇非常少！基本價錢$128/成人用餐時間兩小時、加$128升級版仲包任食”海鮮拼盤”、”刺身拼盤”、”美國頂級牛肩胛”、”鹿兒島頂級黑豚肉”⋯⋯聽完好吸引，但事實又係另一回事！黑豚還可以、牛肉一點油花都冇、仲要薄過張影印紙海鮮拼盤、刺身拼盤大家都有目共睹啦⋯⋯質素超唔掂，可能全世界都只係嚟食基本放題，一定係我點錯野！諗住友人生日嘛所以想話食好啲！點知坑咗！哩間火鍋放題仲有一個特色、就係除咗打邊爐之外、仲有串燒、串炸等小食、適合貪心嘅朋友仔！可以一次過滿足你三個願望！不過今次個願望只能夠滿足1/3⋯⋯⋯其餘2/3有啲失望😓湯底方面免額外收費有都幾款、豬骨、甜醬油、清湯、泡菜、蕃茄，清清哋咁囉⋯⋯要加錢嘅又有幾款，不過要俾多$98小鍋～$118大鍋咁貴就唔會試喇。不過友人鐘意食辣所以都加咗$38轉小煲麻辣湯底啦、不過唔夠辣又唔夠麻、冇乜