Video
Read full review
2015-10-20
358 views
鵪鶉蛋燒賣，已經唔記得食過幾多次，一再回味！飽滿極具吸引力既外貌，白雪雪滑嘟嘟珍珠般既鵪鶉蛋坐係結實彈牙既肉球上面。豬肉味濃，泛濫著澎湃既肉汁，再撞上蛋黃既甘香，滿足得拍案叫絕！連啪三粒，非常震撼！黑松露醬燒賣，好熱好熱，但都照樣成粒塞入口，不容許有半滴精華走失！先黎個原味燒賣，黑松露醬味道清爽而突出，跟鮮蝦味道夾到不得了！天作之合。豬肉醃得香甜而質地結實併埋爽嫩鮮蝦，無需多講，一掃而空。豆瓣醬跟燒賣味道非常配合，惹味又醒胃，必試！四寶鮮淮山魚肚雞紮，啖啖肉又無骨啱晒我依類食肉獸！最正宗食法當然係大大啖咬落去，四種食材味道同質感完全溶合，豐富致極，美味到頂點！拆開分開食就唔係四寶雞紮啦。厚厚雞柳大大舊，juicy 到肉汁直噴，又鮮又嫩又彈，香甜入味非常，非筆墨能形容。樣樣都係寶，好味又有益，魚肚爽滑，索晒雞汁勁水潤。鮮淮山半爽半粉，用腐皮卷住跟彈牙火腿一齊食勁正。原盅淮山杞子花膠燉瘦肉湯，燉湯最緊要熱到出煙，仲要火喉十足。閘呀！滾熱辣，湯汁清徹香甜，花膠既膠質已完全溶係湯汁裡面，質感濃厚而膠，花膠燉完變得爽口富彈性。淮山杞子天然既清香味道已籠罩整個空間，美味到想黎多盅！梅香咸魚蒸肉餅飯
鵪鶉蛋燒賣，已經唔記得食過幾多次，一再回味！飽滿極具吸引力既外貌，白雪雪滑嘟嘟珍珠般既鵪鶉蛋坐係結實彈牙既肉球上面。豬肉味濃，泛濫著澎湃既肉汁，再撞上蛋黃既甘香，滿足得拍案叫絕！連啪三粒，非常震撼！
黑松露醬燒賣，好熱好熱，但都照樣成粒塞入口，不容許有半滴精華走失！先黎個原味燒賣，黑松露醬味道清爽而突出，跟鮮蝦味道夾到不得了！天作之合。豬肉醃得香甜而質地結實併埋爽嫩鮮蝦，無需多講，一掃而空。豆瓣醬跟燒賣味道非常配合，惹味又醒胃，必試！
四寶鮮淮山魚肚雞紮，啖啖肉又無骨啱晒我依類食肉獸！最正宗食法當然係大大啖咬落去，四種食材味道同質感完全溶合，豐富致極，美味到頂點！拆開分開食就唔係四寶雞紮啦。厚厚雞柳大大舊，juicy 到肉汁直噴，又鮮又嫩又彈，香甜入味非常，非筆墨能形容。樣樣都係寶，好味又有益，魚肚爽滑，索晒雞汁勁水潤。鮮淮山半爽半粉，用腐皮卷住跟彈牙火腿一齊食勁正。
原盅淮山杞子花膠燉瘦肉湯，燉湯最緊要熱到出煙，仲要火喉十足。閘呀！滾熱辣，湯汁清徹香甜，花膠既膠質已完全溶係湯汁裡面，質感濃厚而膠，花膠燉完變得爽口富彈性。淮山杞子天然既清香味道已籠罩整個空間，美味到想黎多盅！
梅香咸魚蒸肉餅飯，我較喜歡軟身既馬友咸魚，撈飯勁均勻，咸香味道更為突出。曉廚選用硬身牙帶，香味、魚油跟味道屬一般，幸好肉餅豬肉味濃，打等非常滑溜彈牙，可彌補咸魚既不足。淋上大量豉油，再撈埋自家香辣辣椒渣，將飽滿乾爽既飯米味道升華至極，一啖兩啖三大啖停不了！
蒜蓉炒菜芯，轉眼晚餐黎到尾聲喇，黎個清淡作結尾，既可以清清濃厚味道，同時舒緩一下舌頭。即炒菜芯鑊氣滿分，快炒能保持營養及維他命，亦可以 keep 住翠綠顏色，食落清甜爽嫩無比，炒功了得，加上炸蒜獨特既味力，惹味香口醒胃，當然一條菜都無得留低，全數消滅！
Post
