火山燒 (Closed)

沒有爐位, 但訂座時未有清楚講明。不能自己燒,要待廚房燒, 當放題食也沒關係。結果, 肉燒到乾哂, 黑哂, 食落苦嘅。菠蘿, 蕃薯, 玉子燒係輕輕烘一下表面, 從內面外的冰冷。翠玉瓜除左唔熱, 咬落去, 仲係生嘅。所以燒物除左辣椒粉, 基本上沒有任何調味。我地坐10樓, 人數不少, 全層只有一個連飯都未食嘅哥哥應接不暇, 服務態度都仲算好好, 好盡力, 我地表達不滿, 亦幫手同廚房反映。但食物質素仍未見改善, 同經理反應, 反問我地有沒有10樓店員哥哥有冇跟進。 人手分配已經唔合理, 唔好再為難自己員工啦, 好嗎？經理話會再同廚房反映, 結果第三次叫嘅蕃薯，玉子燒, 菠蘿係熱咖! 不過係先烚左, 再烘一下表面嘅, 真係創意滿分!整體而言, 10樓哥哥嘅服務真係算唔錯, 以咁唔足夠嘅人手來說。至於食物質素同廚房嘅技術, 朽木不可雕也, 嘗試過就知道, 有啲野真係唔好勉強。btw, 現場煙霧彌漫, 食完個人好臭抱住獵奇心態的話, 可以挑戰。想食西的話, 就算啦，唔好勉強。