十二味 (赫德道)

Open Now

Now Closed

同朋友去咗尖沙咀赫德道十二味川菜館, 環境裝修同設計都好中式化, 就好似返左上大陸食野咁, 好有旅遊feel。今次食咗幾樣川菜。人見人愛酸菜魚(粉條)  $276齋見到個名都好易吸引到人order, 當送到面前見到咁大碟都當堂呆左一下,二人份量都足夠四個人食!!呢間店選用咗鱸魚做酸菜魚, 湯底味濃, 香辣味美, 仲有大量酸菜,其他配料有杏鮑菇、萵苣、酸蘿蔔等等…..加埋粉條, 真係大滿足!!極品麻婆豆腐   $73食過唔少麻婆豆腐, 依間D豆腐真係超滑, 輕輕一夾就散開, 夠辣又好食, 加上足份量肉碎, 如果配埋白飯就最適合。燒椒皮蛋   $53一般皮蛋金黃、晶瑩通透, 賣相好吸引, 彈滑香辣, 好幾件嘅黃仲係流心, 口感更軟滑。