相馬日式火鍋 (Closed)

成日見到朋友食羊腩煲，又提醒咗我冬天到了！見網上介紹間日式蒸海鮮火鍋放題餐廳，仲有任食羊腩煲，所以約左同事放工一齊去試下，呢間餐廳叫相馬日式火鍋餐廳🍴。餐廳環境乾淨舒適，裝修好多日式擺設，猶如身處於日本之中🗾首先好欣賞蒸海鮮💦，款色多，有非常靚既鮑魚、沙白、蜆等等，全部都非常鮮甜，鮮味十足，海鮮既汁真係令人好清新😽然後有好吸引既燒物🔥，有燒菠蘿、粟米同翠肉瓜，真係好抵食！燒物香甜又惹味，每食一啖都食到停唔到口，越食越回味😻仲有豚肉同牛舌都好高質。肉質爽口仲帶有濃濃既豚肉同牛肉味🥩，越食越上癮🙀重要follow ig 可以任食牛舌，不得了！極期待既任食羊腩煲，羊腩香口惹味，肉質仲非常軟腍，好多蔥，勁香口，仲要吸收晒煲內既羊汁，每啖者令人越食越不能夠停手😼價錢同食物質素嚟講真係超抵食，性價比極高，要盡快再嚟食先得！