Neway Karaoke Box (Closed)

俾少幾十蚊，就係同ceo唔同既地方。亦就係呢少少錢，我就少左好多素食選擇啦，因為ceo有個素食專區架><。不過，都依然有既，甜栗米、薯蓉同火鍋都適合素食者的。甜粟米非常好食呀，好甜、爽口、粒粒分明!而薯蓉呢就應該係配合其他主菜一齊食既，但我出到去已經得返薯蓉，唔緊要啦、照食！薯蓉好濕潤，有香濃忌廉味，而且磨得好軟，口感非常細滑。火鍋都比以前進步，有辣有唔辣﹝湯底﹞、任君選擇。較深色呢個甜甜地、唔辣，用黎煮公仔麵同菜都好入味，三兩分鐘就得。而且仲有個專人姐姐指導我地用個爐、以免發生危險。其實建議可以好似ceo咁就好啦，其他ceo個沙律係分開一種一種蔬果、自己鐘意咩就選咩，醬都係自己選。呢度就有3個沙律，但mix埋曬蟹肉蟹子、三文魚同沙律醬，搞到素食者根本食唔到。另外，涼伴小菜的選擇又係零，起碼加返少少中華沙律同齋老味。