Video
Read full review
2022-01-15
1171 views
特登揸車過嚟買外賣， OpenRice嘅時間有啲唔啱，其實佢冇落場，下午4:00都係有營業。雖然只係兩個人食，但係樣樣都想食，一場嚟到，就買多啲。左上：馬拉盞炒芥蘭，因為車程比較遠，所以焗到有啲黃同淋，但係味道不錯，其實馬拉盞係咪即係蝦米？佢係有蝦米嘅，好香好惹味。左下：蒜蓉牛油雞翼（半份），半份都有5隻，但雞翼不大隻，這個可以但不屬於出眾，40幾蚊，抵食的。右上：香茅豬扒拼雞翼，原本係想拼肉餅，不過肉餅賣晒，都好在拼咗雞翼，如果全盒都係豬扒真係頂唔順，嗰兩塊豬扒又柴又硬，超難食。雞翼唔錯。右中；串燒沙嗲牛豬雞，三樣都好好食，出奇地串燒豬肉就冇豬扒嗰個問題，一啲都唔鞋，沙嗲汁不辣，幾香花生味。右下：越式拼盤，個底仲有燻蹄扎肉同埋魚餅，呢個拼盆80幾蚊好抵食，入邊個魚餅好香，唔知係咪檸檬葉，總之好好食。全部嘢夾埋$320，性價比高，味道中上，分量多，下次再去會記住唔好食豬扒。
雖然只係兩個人食，但係樣樣都想食，一場嚟到，就買多啲。
左上：馬拉盞炒芥蘭，因為車程比較遠，所以焗到有啲黃同淋，但係味道不錯，其實馬拉盞係咪即係蝦米？佢係有蝦米嘅，好香好惹味。
左下：蒜蓉牛油雞翼（半份），半份都有5隻，但雞翼不大隻，這個可以但不屬於出眾，40幾蚊，抵食的。
右上：香茅豬扒拼雞翼，原本係想拼肉餅，不過肉餅賣晒，都好在拼咗雞翼，如果全盒都係豬扒真係頂唔順，嗰兩塊豬扒又柴又硬，超難食。雞翼唔錯。
右中；串燒沙嗲牛豬雞，三樣都好好食，出奇地串燒豬肉就冇豬扒嗰個問題，一啲都唔鞋，沙嗲汁不辣，幾香花生味。
右下：越式拼盤，個底仲有燻蹄扎肉同埋魚餅，呢個拼盆80幾蚊好抵食，入邊個魚餅好香，唔知係咪檸檬葉，總之好好食。
全部嘢夾埋$320，性價比高，味道中上，分量多，下次再去會記住唔好食豬扒。
Post
