Just Eat (Closed)

每次係正街搭扶手電梯時，我都會見到中間一條神袐既橫街，今日同朋友走去一探究竟，原來入面有兩至三間餐廳，其中一間係新開既越南餐廳Just Eat。餐廳面積比較細，但環境舒服，裝潢以白色為主，加上燈光十足，令人非常精神。- 濃味牛湯浸手切牛肉河餐廳用上金邊粉，口感煙韌。湯底非常濃味，當我嚐湯底既一剎那，牛肉既精華立即䆁放出嚟。手切牛肉切得幾厚，半生熟但入口仍然軟稔。- 濃味牛湯浸牛肉河牛肉份量幾多，粉麵方面都係用左金邊粉，湯底一樣非常香濃。- 青檸梳打而家天氣咁熱，仲要啱啱由地鐵站行過嚟，我一坐低就叫左杯涼透心既青檸梳打。甜度適中，感覺超級清爽！- 越式凍檸茶我覺得同港式有少少分別，茶底比較香，after taste比較強，不過比港式略甜。- Just Eat春卷加生菜越式春卷非常酥脆，餡料亦更豐富，生菜包住春卷食可以減低油炸既肥膩，而且更添爽口。手切牛河同春卷非常出色，尤其係手切牛河，我從未係香港食到湯底咁濃味既越南河。