柳氏家 (Closed)

韓國除左炸雞，炒雞都好出名，不過香港炸雞鋪頭就大把，炒雞真係好少有，今日特登黎試下柳氏家既鐵版炒雞。呢間係任食有兩種，一種係炒雞+炸雞任食，另一種係炒雞+海鮮bbq任食。晚市90分鐘198加一~因為朋友想食炸雞，所以我揀左炒雞+炸雞，自助區既食物九成都係比bbq既所以冇得試，只得雪糕同飲品可以揀。炒雞口味只好試一款，之後再添加都冇得改味道，飯/面/芝士可揀一，我地揀左韓國拉麵，再加左$38升級芝士。上枱係樣，一半炒雞，一半拉麵。可以自己抄都幾玩幾，炒雞既雞肉幾嫩滑，追加既芝士可以撈拉麵食。食左第一round,已經飽左一大半，呢個時候終於等到炸雞上枱。我地叫哂3款， 柳氏家辣炸雞、黑椒蜜糖炸雞 、 芥末蒜香牛油炸雞。炸雞真係好失望，冇一款好食既，辣炸雞只係炸雞上面淋韓式辣醬，同韓式做法完全唔同，令啲炸雞全部唔脆，只係食到醬，可惜既係三款醬都唔好味。