唐記粉麵小食

Open Now

Now Closed

屯門是從小到大，大家認為的不毛之地。雖然我住了超過廿年，老實好味的不多，但我認為若要吃牛腩、雜、筋、車仔麵類，屯門不少的店比起出面的什麼名店、米芝蓮上榜店都不差。今日就再來食呢間由12歲食到而家的車仔麵檔。呢間的車仔麵係$23三餸麵(以前是$13)，話貴唔貴，佢企理足料。如果叫牛雜、筋、腩麵就單餸$23。都係非常抵食！我最鍾意食這裡的牛筋，好入味，燜得好透，入口即溶但外表仍非常完整，加碗腩汁撈米粉食，無得彈！媽媽叫個碗就係3餸麵(豬腸、豬皮、豆卜)，豬腸唔腥質感爽脆，內帶肥膏非常香味。豬皮厚厚的又入味。豆卜吸引了腩汁同湯汁的味道，自然它都不俗，又是一碗好麵。由12歲至今，除了價錢不一，味道、位置及人事都是一模一樣，開心屯門仍然有空間保留那小店，我那小回憶。