After You Dessert Café (Closed)

泰國出名既甜品店進駐香港，呢間After You Dessert Cafe由2007年創立，至今係泰國一共有42間分店，刨冰同吐司係業內打響名堂，冇得去旅行就不如去試吓佢哋嘅甜品，回味下😆😆，次次經過都見到排長龍，今次就揀咗晏晝去，大概排咗半個鐘到就入到，我哋嗌咗佢最出名嘅🍧芒果糯米飯刨冰試下，果然不負所望，首先佢嘅刨冰份量都幾大，另外配咗芒果醬同椰奶俾你加上去，佢嘅刨冰好棉，亦都唔容易溶，夏天食到真係好滿足😆😆佢既芒果味真係好夠，裏面有果肉粒，果肉都好鮮甜同新鮮，食到一半就會見到糯米飯喺裏面，呢個食法都係第一次，有啲甜，有啲酸同有啲鹹味，好少見到刨冰裏面會釀左糯米飯，所以食落覺得幾特別，味道都唔錯，糯米飯飯粒嘅煙韌，佢每一粒唔會好鬆散，有少少黏嘅感覺，好味😋😋但記住打卡唔好打咁耐，因為佢始終係冰，都會溶嫁😆😆另外我哋嗌咗兩杯嘢飲，分別係，🍹凍既焙茶鮮奶同☕️Flat White，嘢飲都各有千秋，焙茶鮮奶裏面嘅焙茶好濃郁，而佢嘅甜味又唔會搶咗鮮奶嘅味道，飲落去好滑，另外咖啡方面可能比較忙嘅關係，所以都要等三四個字左右，反而我覺得咖啡冇想像中咁好飲，咖啡味唔算濃郁，但奶都夠滑，佢哋嘅咖啡都