三多炸肶 (Closed)

話說我老爸成日話三多扒餐同炸脾好食，但我一直都無去試，但今晚係做完運動嘅日子，決定鼓起勇氣去食。 呢間野嘅裝修完全沿用上手串燒舖，但呢個唔係重點，我覺得佢為咗慳返啲人手洗碗，用咗啲即棄碗碟，of course，呢啲都係無乜所謂嘅野。本來我係想試佢啲扒餐，但係我去食嗰時，都已經成9點，無哂鐵板食，頓時間我都唔知乜，唯有食佢隻馳名炸脾。 落單時，佢問我：BB辣、小辣定勁辣，我諗咗一諗，其實都幾surprise佢有得加辣，因為真係令我呢啲鍾意食辣嘅人，突然口水直流。由於雞髀即炸，所以我等到我老公碟飯都成咗一大半先嚟，但係我望住佢，覺得不枉我等咁耐，所有辣粉都係鋪哂係面皮脆而唔係用普通炸粉，咬咗啖仲見到好多油同肉汁係裡面，基本上，其實好快就已經KO 咗呢隻炸脾，而我最嬲係，我老公食咗好多啖，我剩返幾多食呢? 我係度諗如果下次再嚟，唔知可唔可以打定電話叫佢炸定，咁可能無等咁耐。