Espuma (H8) (Changed Hand) New Restaurant

環境不錯，如果檯與檯距離再遠d就最好啦🤔🤔坐低點左壺蜜桃柚子Jasmine Tea（$38）同荔枝Jasmine Tea （$38），不錯，有幾塊果肉浸住飲，唔會越飲越無味。頭盤係香蔥煙肉焗薯皮（$68）又估你唔到咁好味喎！焗得好脆好乾身，啖啖煙肉香味，好少覺得薯皮可以做得咁出色👍🏻Main叫左Pock knuckle（$228），係chef recommendation，都算外脆內軟，不過邊位有d over cook。既然第一次上黎，係要試下個西班牙海鮮炒飯嘅（$138），份量唔算多，有兩隻大蝦、兩隻mussel、魷魚同西班牙腸，唔覺特別咸，喜歡佢嘅飯硬硬地，好有口感😋不足之處係食得個半鐘，15分鐘前會叫你order定dessert，非常準時叫你埋單，之後5分鐘內會再remind你係時候走。好失敗，我同友人都未飲得晒個果茶，因為實在太熱啦。建議想坐耐小小嘅你就唔好考慮呢度啦，我已經係平日夜晚黎嘅。