FLIPPER'S (Closed)

Dinner完後想搵間甜品食，google呢一區未關門既就有呢一間，見Openrice評論都唔錯，就想黎試下。去到店外面見到一家6口等緊位，以為要排隊，所以等左一陣等到呢家人入左去，門口waiter都無想叫我地入去既意思，但我又見到入面有位，就行埋去問waiter2位有無位，點知佢講句「有呀，2位行入去就有位」我同男友心諗，有位見我地坐喺出面排隊都唔嗌我地入？唔通覺得我地係純粹黎玩排隊？快速叫左兩個pancake，食落去都ok，感覺入面好有空氣感，口感係特別既，同其他店既pancake係有啲唔同。但香蕉上面既焦糖同抹茶上面既紅豆有點太甜，算係不過不失。鑑於招呼麻麻同野食味道都只係不過不失，應該唔會再返黎食。