水門泰式海南雞飯專門店 (Closed)

今日中午去開上環，見到呢間水門雞飯外賣店就試吓。鋪位好細，有6-7個Bar 枱位可以堂食。叫咗泰式海南雞脾飯，$55。飯盒份量唔算大，夠女士食，有啲男士可能唔夠飽。雞係滑嘅，但味唔算濃。飯質可以，但味道略淡。盒飯有少少青木瓜沙律做配菜，雖見誠意，但可惜木瓜絲喺飯盒焗一焗，食時溫度唔凍唔熱，怪怪地。雞醬汁味濃，但略為過辣。我本身係食辣嘅，所以無問題，但我相信唔係好食得辣嘅朋友，只可以點少少。由於雞同飯味道偏淡，想點多啲汁又太辣，所以有啲無奈。整體評語，不過不失，可以一試。可惜未出色到我會懷念想再食。