水門泰式海南雞飯專門店 (Closed)

舖頭名係海南雞咁就梗係試一試佢。雞肉肉質尚可，唔可以叫滑但又未至於好鞋，但真係唔肥嘅，啱曬減肥人士；雞味欠奉，靠醬汁補救🙈。青木瓜沙律微辣唔夠酸，如果可以分開上清涼D感覺會更好。飯太濕，希望只係今次失手啦。因為可能係一時失手，兼且係同路人，所以我會選擇比多次機會佢😛。午飯時段大概有十個order 係我前面都唔洗等好耐，由落單到到手，十分鐘內搞掂。餐具係自助形式，無需要就唔洗拎，咁就唔洗為多餘嘅外賣餐具煩惱啦!

又試新嘢了！好多人對他的牛肉青木瓜沙律讃不絕口，即管試試。Hard sell的安格斯牛肉，牛肉肉質好霖，味道酸咪咪，不錯。可惜沒有燒牛肉的燶味，青木瓜沙律份糧好小。可能因為牛肉比較貴，所以青木瓜要俾小d. $50一客，我沒有飽的感覺。本來想買多一客大蝦青木瓜沙律，可惜他們今天沒有蝦。

見呢排水門海南雞曝光率咁高，就去一試！買左個雞脾飯，d雞切得比較大件，擺到散開哂，賣相麻麻...肉質OK，醬汁幾惹味，不過配菜木瓜比較少，油飯都算重味，除左雞油味，仲有淡淡嘅蝦乾味，幾特別！總括黎講，不過不失，冇配湯，CP值麻麻。

今日去左買水門雞飯成日睇佢社交平台已經好想試今日去左上環分舖 好近地鐵站 一出轉灣就係收銀姐姐好溫柔等左五分鐘都唔洗就拎到個飯 真係好有效率舖面唔大 但速度快令舖入面唔會聚集太多人45蚊 一個無骨雞飯 55蚊 無骨雞髀 好正 雞好滑 有雞味仲有豬同牛 既配搭 不過梗係試招牌菜架啦唔好睇佢細細盒 絕對足料同夠飽 如果有埋堂食就好了雞又嫩又滑 配菜個個泰式沙律 好夠味 配埋個汁 真係冇得頂 絕對絕對值得專登去買黎食應該好快 又會掛住個飯 又想再去食多次

同事話水門海南雞飯好得，特登行去買，點知非常失望。十二時去竟然話冇雞髀, 飲品亦只有罐裝汽水，算。返到office打開一看，只見少買雞件，再加上冷飯一舊舊咁，已經冇乜胃口，差！

一直都好鍾意去上環搵好嘢食，因為價錢比中環平而且離中環亦都好近，最近新開左水門泰式海南雞飯專門店咁就諗住試吓啦！之前喺深水埗都食過一次記得味道不過不失！店內唔算好大，只可以坐幾個人所以我哋都係買外賣我今次揀咗泰式肉碎飯，另外在叫咗一杯青檸梳打！本身都覺得呢個飯應該唔會差得去邊，但係食落雖然唔難食但係個人覺得肥肉太多而且亦稱不上好食青檸梳打就一定冇特別啦同事今次叫咗海南雞飯，一打開賣相就唔吸引，同事都話味道好一般雖然味道唔算好好食，有好多改進嘅空間希望下次食可以有改善加油

冇諗過雞胸肉都做得咁滑，比我在家裡自製的慢煮雞胸更滑。辣汁不會嗆喉，不會蓋過雞味。略為細隻，要飽當然跟飯。現在不太餓，聽說這間的食物不錯，一心只想試試這裡的海南雞，沒有失望。

今日中午去開上環，見到呢間水門雞飯外賣店就試吓。鋪位好細，有6-7個Bar 枱位可以堂食。叫咗泰式海南雞脾飯，$55。飯盒份量唔算大，夠女士食，有啲男士可能唔夠飽。雞係滑嘅，但味唔算濃。飯質可以，但味道略淡。盒飯有少少青木瓜沙律做配菜，雖見誠意，但可惜木瓜絲喺飯盒焗一焗，食時溫度唔凍唔熱，怪怪地。雞醬汁味濃，但略為過辣。我本身係食辣嘅，所以無問題，但我相信唔係好食得辣嘅朋友，只可以點少少。由於雞同飯味道偏淡，想點多啲汁又太辣，所以有啲無奈。整體評語，不過不失，可以一試。可惜未出色到我會懷念想再食。

星期三晚喺附近上堂，見到呢間海南雞飯又去試吓啦原來晚上只係開到8:00，嗱嗱臨落order!教練教落，晚餐走飯減磅最見效，一月即管試吓....少飯叫左一個例牌海南雞，一個香葉肉碎煎旦飯雞胸雞髀都好滑不過冇乜特別，反而個香葉肉碎飯係有驚喜喎豬肉好有鮮味口感好好，吾知隻旦係咪湖北旦呢好有旦香，隻旦係有脆邊嗰種，同個白飯好夾呀...推介！呢度冇table service 嘅...店內得4個座位加3個吧位，嚟呢度食自己serve自己喇...快食走人，公主們請移玉步唯一缺點係只提供一次性餐具，冇辦法..呢個年頭請人洗碗仲貴而且舖面細，環保人士可以自備餐具吖!其實店主們可以開始考慮一下鼓勵大家自備餐具吖...帶動到潮流我哋作為全世界其中一個最鐘意出外用餐既城市....一年真係慳唔少架

去骨海南雞飯: 油飯整得幾好食, 飯帶有淡淡嘅雞油香味, 而且粒粒分明得黎唔會過硬雞就正常發揮, 不過份量就偏少, 連埋雞翼大概得五件細切嘅雞值得一讚係佢地嘅自家秘制泰式辣汁, 撈埋飯一齊食好夾, 夠哂惹味安格斯燒牛肉飯嘅牛肉整得幾香, 但相比之下海南雞飯表現會出色啲另外佢地主要係做外賣, 如果想堂食嘅話餐廳裏面都有少量位置提供

［上環］水門泰式海南雞飯今日經過上環食飯時間見到唔少人買外賣就走左入去食.第一次食就緊係叫海南雞飯啦（人地個招牌都寫明）咁佢只係45$算好平，佢仲係中上環地段.去骨海南雞飯食剩指數：0/100 雞肉好滑（雖然我無叫到雞髀）無骨真係好重要啖啖肉連雞皮都好食飯唔係好深色但係好有味！配菜仲有青瓜木瓜絲估唔到又唔會好酸清清地又幾好.最後仲叫左杯青檸梳打感覺很好.唯一係店入面座位好少如果唔好彩堂食可能要等一陣位但食物質素就十分好性價比高

中午外賣首選，好多人光顧，相信是質素保證。本人喜歡海南雞飯，所以對海南雞飯是有很高要求的。這家的海南雞飯是滿足到我要求的。雞肉新鮮、醬汁香濃、黃飯好香。我還叫了牛枊雙拼，牛方面也是喜出望外。我下次會再試其他款式。本身價錢很實惠，因為很高質。但如果有大分量，加個premium都樂意的！It now becomes my favourite place for take away lunch in Sheung Wan! Highly recommended!

在今年1月尾，我幫襯上環禧利街的 Viet Dating，見到隔離剛剛開了一間新食店 <水門泰式海南雞飯專門店>！店內有少量坐位供應堂食！由於當時新開張的關係，只有招牌海南雞飯及沙律供應，連豬扒飯及飲品卻沒有！ 之後再幫襯，增加不少選擇呢！落單付款後，等上2分鐘便取得！相當有效率！泰式去骨海南雞脾飯 $55配上自家秘製泰式醬，加入了不少薑蓉，酸辣得來薑味濃重辛香！別有一番風味！去骨雞脾方便進食，雞肉柔軟嫩滑，配上的油飯，油而不膩，恰到好處！還令人開胃呢！旁邊的雜菜沙律都幾辣！香茅豬扒飯 $45由於豬扒即叫即煎的關係，因此相對其他飯類如海南雞飯、肉碎煎蛋飯...要等多好幾分鐘！雖然是白飯，食落都夠鹹，而且幾有香味！香茅豬扒肉質比預期更軟腍，切成條狀方便入口，灑上金黃色的炸蒜粒香脆又香氣洋溢！ 配上泰式醬汁，酸辣更醒胃惹味！香葉肉碎煎蛋飯 $45一打開紙飯盒蓋，即傳出香噴噴！ 熱辣辣的肉碎及香飯，油份可保溫，肉碎帶香辣，兩者拌勻，香口惹味又開胃！ 簡單美味的配搭！

今日星期五中午去買外賣,去到都幾多人,所以都要排隊,雖然店裡面有幾個座位但好迫, 我都係選擇返 office 食。買左香葉肉碎煎蛋飯, 辣辣地咸咸地, 味道唔錯,今日竟然可以食晒成個盒飯, 平時好少咁大食, 唔知係太好味還是太肚餓? 另外膠袋寫住重用可以有$2 折扣, 大家記住唔好掉啦~

今日去試咗一間上環嘅無骨海南雞飯，店內座位唔多主要係做外賣為主。今日試咗一個泰式無骨海南雞飯。要講海南雞飯首先一定要講佢個油飯。佢個油飯真係極品，佢嘅油飯係一粒粒好似炒飯咁，粒粒都好香，唔係剛剛由電飯煲煲出嚟嗰啲咁樣。再來就要講下佢個雞啦，雖然數量就唔算好多，但係勝在每一件都煮到啱啱好，唔會煮過龍。就連佢嗰醬汁我都覺得值得一提，個醬汁入面特別加入咗好多蒜蓉令到佢非常惹味，我每一件雞都完全點晒入去個醬汁入邊。最後，不得不提嘅就係連佢伴碟嗰個沙律都好好食。難得發現到一間好好食嘅海南雞飯，真係想即刻再去食多次。