三小姐海鮮小菜

Open Now

Now Closed

因為預先訂左位，所以唔駛等就有位啦。本身聽聞三小姐食物份量都比熟食中心其他食肆多，但根據呢一餐，就似乎唔係個回事。個晚都成十個人一位，都叫左唔少野食，兼加左兩次單，都係啱啱好夠飽。特別講下最深刻印象個幾道菜，首先係我最欣賞嘅炸大腸，可能係因為平日好少食，所以零舍覺得新奇，大腸炸得好脆，但又部就得外面紅色脆個part，無左入面夠大腸，炸得比較散，但味道真係唔錯，表皮鬆脆，內裡又幾煙韌，唔會太鹹。另外，仲有肥牛粉絲煲，都係個個問題，量太少，一人一舊就無曬，但味道尚好，粉絲都唔會太淋，而且牛肉唔腥唔韌，好香蠔油個種鹹香味，熱辣辣用鍋上係幾滋味嘅!仲叫左兩碟唔同口呼嘅陳村粉，牛肉個個就會比較濃味，但我個人偏重口味，所以都接受到，另外個碟就係豬頸肉嘅，味道一樣偏濃，陳村粉吸曬D汁，會更加鹹。除此之外，仲點左咕嚕肉、黑椒牛仔骨等普遍小菜，味道不過不失。