媽咪雞蛋仔 (Moved) New Location

而家嘅雞蛋仔 越嚟越多唔同嘅口味 但我自己最喜歡的口味 依然都係簡簡單單 無餡 只有蛋香既原味雞蛋仔所以基本上就算店舖有唔同口味提供 原味雞蛋仔都會係我嘅選擇 今次亦都唔例外 呢度整嘅雞蛋仔的而且確即叫即做 所以免不了少少等候時間 大概等左10分鐘 新鮮熱辣嘅雞蛋仔就準備好了👍🏻 先講外表 呢度嘅雞蛋仔完美帶光澤 全部望落脹卜卜 粒粒都好完整 一啪開 清脆嘅聲音就知道佢嘅外表非常香脆 可惜咬落去我覺得個皮相比經典雞蛋仔較厚 雖然脆身但略嫌過厚 時間耐左甚至會覺得硬 至於入邊 非常香軟 蛋味亦都足夠 不過充其量只係佔一半嘅份量 所以咬落冇非常綿密的感覺 但整體口感算係不錯